Жеңіл атлетика федерациясының жаңа президенті сайланды

4

Бүгін Астанада Жеңіл атлетика федерациясының кезектен тыс конференциясы өтті. Жиын барысында федерацияның жаңа президенті болып Даниал Ахметов сайланды, деп хабарлады Жеңіл атлетика федерациясының баспасөз қызметі.

Конференцияның күн тәртібінде екі мәселе қарастырылды:

  1. Жеңіл атлетика федерациясын бұған дейін басқарған Әділбек Жақсыбековтың өкілеттілігін мерзімінен бұрын тоқтату;
  2. Жеңіл атлетика федерациясының жаңа президентін сайлау.

Осылайша, Атқару комитеті мүшелерінің бірауызды шешімімен Әділбек Жақсыбековтың өкілеттілігі мерзімінен бұрын тоқтатылып, оның орнына Жеңіл атлетика федерациясының президенті болып Даниал Ахметов сайланды.

  • Маған сенім білдіргендеріңізге рахмет! Әділбек Рыскелдұлы басқарған бір жылдың ішінде аз шаруа атқарылған жоқ. Енді сол бастамаларды ары қарай жалғастырып, Қазақстан жеңіл атлетика федерациясын дамытуға тырысамыз. Алдымызға қойған мақсатымыз өте көп. Мәселен, бірінші кезекте спорттық инфрақұрылымдарды жетілдіруді көздейміз. Жақын уақытта жеңіл атлетикаға бейімі бар барлық өңірлердің әкімдерімен кездесіп, сол аймақтардың жеңіл атлетика спортын дамыту жолдарын қарастырамыз. Соның ішінде, келесі жылы Семей қаласында Ұлттық құрамалар базасы дайын болады, — деді Даниал Кенжетайұлы.

Сондай-ақ, кезектен тыс конференцияда Жеңіл атлетика федерациясы Атқару комитетінің жаңа мүшелері бекітіліп, Әділбек Жақсыбеков Атқару комитетінің құрамына енді.

Даниал Кенжетайұлы Ахметов

1954 жылы 15 маусымда Павлодар қаласында туған.

1976 жылы Павлодар индустриалды институтын бітірген. Мамандығы бойынша инженер-құрылысшы.

Экономика ғылымының докторы, Қазақстан Республикасы Минералды ресурстар академиясының академигі.

Еңбек жолы:

1976-1981 жж. — «Павлодар тұрғынқұрылыс» тресінде мастер;

1981–1983 жж. — Екібастұз қалалық партия комитетінде нұсқаушы;

1983–1987 жж. — «Екібастұзшахтақұрылыс» комбинатында бас инженердің орынбасары, партком хатшысы;

1987–1991 жж. — Екібастұз қалалық атқару комитеті төрағасының орынбасары;

1991-1992 жж. — «Екібастұз энерготұрғынөндірісқұрылыс» трестінің басқарушысы;

1992-1993 жж. — Екібастұз қалалық әкімшілігінің басшысы;

1993-1997 жж. – Әкімшілік басшысы, Павлодар облысының әкімі;

12.1997-10.1999 жж. — Солтүстік Қазақстан облысының әкімі;

10.1999-21.12.2000 жж. — Қазақстан Республикасы Премьер-Министрінің орынбасары;

21.12.2000-21.11.2001 жж. — Қазақстан Республикасы Премьер-Министрінің Бірінші орынбасары;

21.11.2001-13.06.2003 жж. — Павлодар облысының әкімі;

13.06.2003-08.01.2007 жж. — Қазақстан Республикасының Премьер-Министрі;

10.01.2007-17.06.2009 жж. — Қазақстан Республикасының Қорғаныс министрi;

12.2010 жылдан – Экологиялық энергетика саласындағы компаниялың басшысы;

2012-11.2014 жж. – Энергетика және инфрақұрылым министрі;

2014 жылғы 11 қарашада Шығыс Қазақстан облысының әкімі болып тағайындалды.

Марапаттары:

«Барыс» 2-і дәреже (2004), «Барыс» 3-і дәреже (1999), «Құрмет белгісі» (1986); «Қазақстан Республикасының Тұңғыш Президенті — Елбасы Нұрсұлтан Назарбаев» (2012) ордендері және «Астанаға 10 жыл» атты мерейтойлық медалі (01.07.2008).

Дереккөз: SortPress.kz

قالب وردپرس

ПІКІР ҚАЛДЫРУ

Пікіріңізді жазыңыз!
Өтінеміз, аты-жөніңізді жазыңыз