“Сағадат батыр” спорт клубы əлем бойынша алдыңғы қатарда тұратын болады” – Нұрсұлтан Орынбасаров

41

Жуырда Алматы облысы, Іле ауданы М.Түймебай ауылында “Сағадат батыр” спорт клубының ұйымдастыруымен Грепплинг күресінен турнир өтті. Негізі мақсат –жасөспірімдерді салауатты өмір салтына тәрбиелеу және ауыл спортын дамыту. Жарысқа “Сағадат батыр” спорт клубының балалары мен Іле ауданындағы басқа да спорт клубтарының қатысушылары келді.
Бұл жарыс алдағы болатын қалалық, республикалық жарыстарға іріктеу болды. Осы жарыстан бірінші және екінші орын алған спортшылар 20-21 қаңтарда өтетін грепплингтен Алматы қаласының чемпионатына қатысады. Осы турнирден жүлделі бірінші, екінші және үшінші орын алған спортшылар арнайы медальмен және дипломмен марапатталды. Осы турнирге арнайы келген “Сағадат батыр” халықаралық қайырымдылық қорының президенті Махмут Ыбырайханұлы Нәлібаев жарысқа қатысушы жас спортшыларға ақ батасын беріп, сәттіліктер тіледі. Осы турнир барысында халық қаһарманы, армия генералы Сағадат Нұрмағамбетов атындағы “Сағадат батыр” спорт клубының бас бапкері Орынбасаров Нұрсұлтанға және осы клубтын бапкері Айтпанбет Саматқа Махмут Нәлібаев мырза “Кейкі батыр” медалін табыстады. Сондай-ақ, жарысқа қатысушы кішкентай жеткіншектерге Махмут мырза марапаттаулар жасады.
Қазіргі уақытта “Сағадат батыр” спорт клубының спортшылары еліміздегі мықты спортшылар қатарында. Бұл клубта жаттығатын спортшылар Джиу-джитсу, грепплинг күресі бойынша әлем, азия чемпионы атанып ел намысын халықаралық ареналарда қорғап жүр.

Нұрсұлтан Орынбасаров:

Алла қаласа, алдағы уақытта “Сағадат батыр” спорт клубы тек елімізде емес əлем бойынша алдыңғы қатарда тұратын болады. Біздің мақсатымыз – қазақ елінің батырларының ерлігін жастарға насихаттап, бойларына патриоттық рух беріп, ауыл балаларын үлкен спортшы етіп тəбиелеу. Ауыл спортының дамуына барынша жұмыс жасап жатырмын. 3 жылдан астам уақыт тек осы ауылдық жердегі спорт клубты дамытып, ауыл балаларын әлемдік аренаға шығарып, оларды чемпион етіп, ауылдық жерлерде турнирлер ұйымдастырып жүрмін. Осындай іс-шараларымызға үнемі қолдау көрсетіп, ауыл балалары дегенде үнемі қасымыздан табылып, өзінің ақ батасын жас спортшыларға беріп жүрген Махмұт Нәлібаев ағамызға үлкен алғыс білдіремін. Осындай жанашыр ағаларымыз бар кезде ауыл спорты тек қана дамитыны сөзсіз».

ПІКІР ҚАЛДЫРУ

Пікіріңізді жазыңыз!
Өтінеміз, аты-жөніңізді жазыңыз